बिहीबार, मंसिर ४, २०८२
कर्पोरट खबर
8:07 am, बिहीबार, मंसिर ४, २०८२
काठमाडौं । नितिश कुमारले आज १०औं पटक बिहारको मुख्यमन्त्रीको रूपमा शपथ लिदैछन् ।
बुधबार राष्ट्रिय लोकतान्त्रिक गठबन्धन (एनडीए) व्यवस्थापिका दलको नेतामा निर्वाचित भएपछि नितिशले राज्यपाल आरिफ मोहम्मद खानलाई आफ्नो राजीनामा बुझाउँदै नयाँ सरकार गठनको लागि आफ्नो दाबी प्रस्तुत गरेका थिए ।
नितिश कुमारको नेतृत्वमा रहेको यो सरकारमा प्रायः पुराना अनुहारहरू हुने सम्भावना छ । भाजपाले सम्राट चौधरी र विजय कुमार सिन्हालाई आफ्नो व्यवस्थापिका दलको नेताको रूपमा छनोट गरेको छ, जसले गर्दा दुवैले उपमुख्यमन्त्रीको रूपमा शपथ लिने निश्चित भएको छ ।
मन्त्रिपरिषद्मा नयाँ अनुहारहरू चिराग पासवानको एलजेपी (आर), उपेन्द्र कुशवाहाको आरएलएसपी र जितन राम माझीको एचएएमबाट हुनेछन् । पटनाको ऐतिहासिक गान्धी मैदानमा नितिश सरकारको शपथ ग्रहण समारोहको लागि सबै तयारी गरिएको छ ।
शपथ समारोहमा प्रधानमन्त्री नरेन्द्र मोदी, केन्द्रीय गृहमन्त्री अमित शाह, धेरै केन्द्रीय मन्त्रीहरू, सबै एनडीए घटकका प्रमुखहरू र एनडीए शासित राज्यहरूका मुख्यमन्त्रीहरूको उपस्थिति हुने बताइएको छ ।
हालै सम्पन्न निर्वाचनमा एनडीए गठबन्धनले २४३ मध्ये २०२ सिट जितेको थियो ।
FACEBOOK COMMENTS