आइतबार, फाल्गुन १७, २०८२
कर्पोरट खबर
7:51 pm, आइतबार, फाल्गुन १७, २०८२
काठमाडौँ । पश्चिम एसियामा बढ्दो तनावका बीच विश्वका शक्तिशाली मुलुकहरू फरक फरक धारमा उभिन थालेका छन् ।
भारतसहित केही देशहरूले तटस्थ भूमिका अपनाउने बताएका बेला इन्डोनेसियाले भने अमेरिका र इरानबीच मध्यस्थता गर्न तयारी जनाएको छ ।
इन्डोनेसियाको परराष्ट्र मन्त्रालयले जारी गरेको वक्तव्यअनुसार दुवै पक्ष सहमत भए राष्ट्रपति प्रबोवो सुबियान्तो अमेरिका र इरानबीच वार्ता गराउन तेहरान जानसमेत तयार रहेको जनाइएको छ ।
जकार्तास्थित इरानी दूतावासले आइतबार जारी गरेको वक्तव्यमा इन्डोनेसियाबाट आएको मध्यस्थताको प्रस्तावलाई स्वागत गरिएको उल्लेख गरिएको छ । दूतावासले अमेरिका र इजरायलले इरानमाथि आक्रमण गरिरहेको आरोप लगाउँदै इन्डोनेसियाली नेतृत्वले उक्त घटनाको कडा शब्दमा निन्दा गर्नुपर्ने पनि जनाएको छ ।
पश्चिम एसियामा तनाव बढिरहेका बेला सम्भावित कूटनीतिक पहलले अवस्था शान्त बनाउन सहयोग पुग्ने अपेक्षा गरिएको छ ।
FACEBOOK COMMENTS