भारतमा पछिल्लो २४ घण्टामा थपिए ७० हजारभन्दा बढी संक्रमित,९ सय १८ जनाको मृत्यु

काठमाडौं, भदौ ७–भारतमा एकै दिन ७० हजारभन्दा बढी कोरोना संक्रमित थपिएका छन्। शनिबार ७० हजार ६७ संक्रमित थपिएका हुन्। एकै दिन यति धेरै संक्रमित थपिएको यो रेकर्ड हो। यस्तै, शनिबार ९ सय १८ जनाको संक्रमणका कारण मृत्यु भएको छ।

जोन्स हप्किन्स विश्वविद्यालयको तथ्यांकअनुसार भारतमा हालसम्म संक्रमितको संख्या २९ लाख ७५ हजार ७ सय १ छ भने ५५ हजार ७ सय ९४ जनाको मृत्यु भएको छ।

यसअघि १९ अगष्टका दिन ६९ हजार १ सय ९६ संक्रमित थपिएका थिए। हाल भारतमा ७ लाखभन्दा बढी संक्रमितको उपचार भइरहेको छ भने २२ लाख ७९ हजार ९ सय जना निको भइसकेका छ्न्।