बिहीबार, वैशाख ३, २०८३
कर्पोरट खबर
8:04 pm, आइतबार, चैत २९, २०८२
काठमाडौं । गुजरात टाइटन्सले जारी आइपिएलमा लखनउ सुपर जाइन्टलाई पराजित गरेको छ । आइतबार सम्पन्न खेलमा गुजरातले लखनउलाई ७ विकेटले पराजित गरेको हो । लखनउले दिएको १६५ रनको लक्ष्य पछाएको गुजरातले १८.४ ओभरमा ३ विकेट गुमाएर पुरा गरेको थियो ।
गुजरातको जितमा जोस बटलरले ६० रन बनाए भने कप्तान शुभमन गिलले ५८ रन बनाएका थिए । यसअघि पहिला ब्याटिंग गरेको लखनउले २० ओभरमा ८ विकेट गुमाउदै १६४ रन बनाएका थिए । लखनउका लागि एडन मार्क्रमले ३० रन बनाए भने निकोलस पुरनले १९ तथा अब्दुल समाद र मुकुल चौधरीले १८-१८ रन बनाएका थिए ।
त्यस्तै गुजरातका बलर प्रसिद्ध कृष्णले ४ तथा अशोक शर्माले २ विकेट लिएका थिए ।
यो जितपछि गुजरातको ४ खेलमा २ जित र २ हारसहित ४ अंक भएको छ । त्यस्तै लखनउको पनि ४ खेलमा २ जित र २ हार बेहोरेको छ ।
