शुक्रबार, असार ५, २०८३
कर्पोरट खबर
12:44 pm, शुक्रबार, असार ५, २०८३
काठमाडौँ । नेपालका लागि टिभीएसको आधिकारिक वितरक जगदम्बा मोटर्सले टिभीएस एनटर्क १२५ रेस एक्सपी ब्लेज ब्लूनेपालमा सार्वजनिक गरेको छ।
युवा राइडरहरूको रोजाइमा पर्दै आएको टिभीएस एनटर्कलाइनअपमा यो नयाँ कलर भेरियन्टले थप आकर्षण, स्पोर्टीनेस र बोल्डनेस थपेको छ।
नयाँ टिभीएस एनटर्क १२५ रेस एक्सपी ब्लेज ब्लूको सार्वजनिक कार्यक्रम १८ जुन २०२६ मा बुढानीलकण्ठस्थित पार्क भिलेज रिसोर्टमा आयोजना गरिएको कार्यक्रमको उद्घाटन जगदम्बा मोटर्सका उपाध्यक्ष दीपक रौनियारले गरेका थिए। कार्यक्रममा ग्राहक, सञ्चारकर्मी, कन्टेन्ट क्रिएटर, मोटो भ्लगर तथा टिभीएस प्रेमीहरूको उत्साहजनक उपस्थिति रहेको थियो।
कार्यक्रममा ८० भन्दा बढी सञ्चारकर्मी, ५० भन्दा बढी कन्टेन्ट क्रिएटर तथा मोटो भ्लगरहरू, साथै ग्राहकहरूको उल्लेखनीय सहभागिता थियो। उपस्थित अतिथिले टिभीएस एनटर्क १२५ रेस एक्सपी ब्लेज ब्लू को डिजाइन, विशेषता र रेसिङ प्रेरित व्यक्तित्वलाई नजिकबाट अनुभव गर्ने अवसर पाए ।
टिभीएस एनटर्क १२५ रेस एक्सपी ब्लेज ब्लू विशेष गरी स्टाइल, पर्फमेन्स र दैनिक प्रयोगलाई एउटै प्याकेजमा खोज्ने युवा राइडरका लागि तयार गरिएको र यसको आकर्षक ब्लेज ब्लु कलर, स्पोर्टी ग्राफिक्स, धारिलो डिजाइन र आत्मविश्वासी रोड प्रेजेन्सले स्कुटरलाई अझै दमदार र फरक बनाएको कम्पनीले जनाएको छ।
सार्वजनिक कार्यक्रममा बोल्दै जगदम्बा मोटर्सका उपाध्यक्ष दीपक रौनियारले भने, ‘टिभीएस एनटर्कले सधैँ पर्फमेन्स, प्रविधि र बोल्ड स्टाइल खोज्ने युवा राइडरहरूसँग बलियो सम्बन्ध बनाउँदै आएको छ। टिभीएस एनटर्क १२५ रेस एक्सपी ब्लेज ब्लूको सार्वजनिकसँगै हामी एनटर्क को यही पहिचानलाई अझ नयाँ र उत्साहजनक रूपमा प्रस्तुत गरिरहेका छौँ। आफ्नो राइडमार्फत अलग देखिन चाहने राइडरहरूका लागि यो नयाँ भेरियन्ट निकै आकर्षक हुनेमा हामी विश्वस्त छौँ।’
यस सार्वजनिककरणले नेपाली ग्राहकका लागि स्टाइलिश, पर्फमेन्स–केन्द्रित र युवा लक्षित मोबिलिटी सोलुसनहरू उपलब्ध गराउने जगदम्बा मोटर्सको निरन्तर प्रतिबद्धतालाई थप प्रमाणित गरेको बताइएको छ। टिभीएसब्रान्डमार्फत कम्पनीले नेपालभरका राइडरहरूको बदलिँदो अपेक्षा अनुसारका मोटरसाइकल र स्कुटरहरू उपलब्ध गराउँदै आएको छ।
देशभर फैलिएको टिभीएसको आधिकारिक डिलर नेटवर्कमार्फत ग्राहकहरूले नजिकैको टिभीएस शोरुममा गई नयाँटिभीएस को विशेषता, उपलब्धता र स्वामित्व लाभबारे थप जानकारी प्राप्त गर्न सक्नेछन्।
