कोरोनाका कारण थप ६ जनाको मृत्यु

काठमाडौं, भाद्र २३ – नेपालमा कोरोना संक्रमणबाट थप ६ जनाको मृत्यु भएको छ । योसँगै नेपालमा मृतकको संख्या ३०६ पुगेको छ ।

पछिल्लो २४ घण्टामा ९०२ जना कोरोना संक्रमित थपिएका छन् । योसँगै नेपालमा कोरोना संक्रमित संख्या ४८ हजार १३८ पुगेको छ ।

त्यस्तै आज एकैदिन अहिलेसम्मकै धेरै २ हजार २८७ जनाले कोरोनालाई जितेका छन् ।

योसँगै नेपालमा कोरोना संक्रमणबाट निको हुनेको संख्या ३२ हजार ९६४ पुगेको छ ।