सल्यानमा ट्याक्टर दुर्घटना हुँदा चालकको घटनास्थलमै मृत्यु

काठमाडौं, मंसिर २४ – सल्यानको बनगार कुपिण्डे नगरपालिका-३ चिउरीगैरामा ट्याक्टर दुर्घटना हुँदा चालकको मृत्यु भएको छ।

सोही ठाउँको बामेका २१ वर्षीय लोकेश विकको घटनास्थलमै मृत्यु भएको हो। मंगलबार दिउँसो उनले चलाएको भे.२ त २७२ नम्बरको ट्याक्टर सडकबाट करिब २५० मिटर तल खसेको थियो।

घटनासम्बन्धी प्रहरीले थप अनुसन्धान अघि बढाएको छ।