‘नेपाल बन्द चाहिँदैन’ भन्दै दरबारमार्गमा गुञ्जियो नारा

काठमाडौँ, माघ २२ – रत्नपार्कमा प्रदर्शनकारी भएका कारण उक्त क्षेत्रमा पुग्ने सवारीलाई प्रहरीले विभिन्न स्थानमा रोक्दै फर्काउँदै गरिरहेको छ। यही मेसोमा दरबारमार्गबाट पनि प्रहरीले सवारीलाई रत्नपार्कतिर बढ्न दिएको छैन।

दिउँसो २ बजेतिर एक हुल युवा भने यही क्षेत्रबाट अघि बढ्ने प्रयासमा थिए। प्रहरीले उनीहरुलाई सम्झाए। प्रहरीको कुरा मान्न तयार भएनन् उनीहरु। केही बेर प्रहरीसँग अनुरोध गरे पनि।

तर प्रहरीले बाटो नछोडेपछि उनीहरु कमलादीतिर मोडिए र नारा लगाए : नेपाल बन्द चाहिँदैन। ती युवाहरुले केही बेरसम्म यही नारा लगाउँदै कमलादीतिर अघि बढेका थिए।