थप १०४ जनामा कोरोना संक्रमण ,१३१संक्रमणमुक्त

काठमाडौं, २ फागुन-पछिल्लो २४ घण्टामा थप १०४ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या २ लाख ७२ हजार ७१८ पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या १ हजार ६०४ रहेको छ ।

पछिल्लो २४ घण्टामा १३१ जना निको भएका छन् । हालसम्म संक्रमणमुक्त हुनेको संख्या २ लाख ६९ हजार ६० पुगेको छ । हालसम्म कोरोनाबाट मृत्यु हुनेको संख्या २०५४ पुगेको छ । पछिल्लो २४ घण्टामा कुनै पनि कोरोनाका बिरामीको मृत्यु भएन।

यस्तै, हालसम्म ७९ जना क्वारेन्टीनमा रहेका छन् । हालसम्म २१ लाख १७ हजार ५० जनाको पीसीआर परीक्षण गरिएको छ ।