निफ्रालाई नेप्सेले सोध्यो स्पष्टीकरण

काठमाडौं, चैत  ४ –नेपाल स्टक एस्सचेन्ज नेप्से) ले नेपाल इन्फ्रास्ट्रक्चर बैंक (निफ्रा) सँग स्पष्टीकरण मागेको छ । केही सञ्चार माध्यमहरुमा निफ्राले ३ करोड डलरको बन्ड जारी गर्ने र लन्डन स्टक एक्सचेन्जमा सूचीकृत हुने समाचार आएको थियो । उक्त विषयमा सत्यतथ्य प्रकाश पार्न नेप्सेले निफ्रालाई भनेको छ ।
 
यस्तै, रणनीतिक साझेदार भित्र्याउने विषयमा कोसँग के कस्तो छलफल भएको, इन्सुरेन्स कम्पनीहरुले खरिद गर्ने भनिएको इन्सुरेन्स बन्ड, कम्पनीको नाफाबाट १०५ लाभांश वितरण गर्ने जस्ता धितोपत्र मूल्यमा प्रभाव पर्ने सम्वेदनशिल सूचना प्रचार गर्नुको कारण स्पष्ट पार्न नेप्सेले निफ्रालाई निदेर्शन दिएको छ । नेप्सेले ३ दिन भित्र स्पष्टीकरण पेश गर्न निफ्रालाई निर्देशन दिएको हो ।