दूध उत्पादन भए पनि बजारकै समस्या हुने किसानको गुनासो

काठमाण्डौँ — सरकारले दूध उत्पादन पुगेन भनिरहँदा किसानले भने त्यसैका लागि बजार नपाएको गुनासो गरेका छन् ।

सरकारले चौधौं योजनामा २२ लाख ९६ हजार टन दूध उत्पादन गर्ने लक्ष्य राखेको थियो ।

त्रिवर्षीय योजनाको अन्तिम वर्षमा आइपुग्दा २० लाख ८५ हजार टन मात्रै उत्पदान भइरहेको छ ।

कृषि मन्त्रालयले चालु आर्थिक वर्षका लागि २५ लाख ९४ हजार टन उत्पादन गर्ने लक्ष्य राखेको छ ।

सरकारले दूध उत्पादन अपुग भएको तथ्यांक देखाए पनि किसानले भने बजार पाउन सकेका छैनन् ।

उत्पादित दूध बिक्री नभएपछि उनीहरूले ‘मिल्क होलिडे’ समेत मनाउँदै आएका छन् ।

बजार अभाव र आयातित सस्तो पाउडर दूधले किसानको सपना चकनाचुर भएको गोरखकाली गाई फार्मका सञ्चालक किशोर बगालेले बताए ।

किसानले बजार नपाएको गुनासो गरिरहँदा दुग्धजन्य पदार्थको आयात भने बढदो छ ।

.— कान्तिपुर