सुबोध कुमार गुप्ता “प्रोफेसनल डक्टरल सर्टिफिकेट” को उपाधिले सम्मानित

गुप्ताको सामाजिक, व्यवसायिक र आर्थिक क्षेत्रमा रहेको योगदानको उच्च कदर गर्दै यूनिभर्सिटिले उनलाई ( ग्लोबल लिडरसिप एण्ड म्यानेजमेन्ट ) क्षेत्र अन्तर्गत “प्रोफेसनल डक्टरल सर्टिफिकेट” को उपाधिले सम्मान गरेको हो ।

दुबई , बिरगंजको चेम्बर अफ कमर्सका अध्यक्ष सुबोध कुमार गुप्तालाई फ्रान्सको पेरिसमा अवस्थित प्रतिष्ठित विश्वविद्यालय यूरोपियन इन्टरेशनल यूनिभर्सिटीले दुबईमा सम्मान गरेको छ ।

गुप्ताको सामाजिक, व्यवसायिक र आर्थिक क्षेत्रमा रहेको योगदानको उच्च कदर गर्दै यूनिभर्सिटिले उनलाई ( ग्लोबल लिडरसिप एण्ड म्यानेजमेन्ट ) क्षेत्र अन्तर्गत “प्रोफेसनल डक्टरल सर्टिफिकेट” को उपाधिले सम्मान गरेको हो । यहि सेप्टेम्बर २८ मा सम्मानित भएका गुप्ता सेप्टेम्बर २९ मा नेपाल फर्किदै छन् ।

सुबोध कुमार गुप्ता एक सफल उद्योगपति एवम् व्यवसायी हुन । उनी सामाजिक चेतका धनी तथा विभिन्न सामाजिक संघ संस्था एवम् शैक्षिक प्रतिस्ठानहरुमा समेत आवद्ध छन् । गुप्ता व्यवसायिक रुपमा कृषि एवम् खाद्यान्नको क्षेत्रमा सकृय छन् ।

त्यसो त उनी कृषि एवम् खाद्यान्नको क्षेत्रमा लगानी गर्दै आएको प्रतिस्ठित व्यवसायिक घराना मोहित ग्रुपका संचालक एवं प्रबन्ध निर्देशक हुन् । उनी सार्थक सोच, अद्धितिय कार्यकौशलता तथा व्यवस्थापकिय क्षमताका कारण स्थापित र एक सफल व्यवसायी हुन् ।

“समृद्धीको आधार –निजी क्षेत्र सरकार साझेदार ” भन्ने नाराका साथमा नेपाल उद्योग वाणिज्य महासंघमा आबद्ध भएका गुप्ता हाल नेपाल उद्योग वाणिज्य महासंघका कार्यकारिणी सदस्य एवं चामल, दाल, तेल उत्पादक संघका केन्द्रिय अध्यक्ष समेत हुन ।