बुधबार, असोज ७, २०८३
कर्पोरट खबर
5:06 pm, बुधबार, असोज ७, २०८३
काठमाडौं । अभिनेता भुवन केसीको निर्देशनमा बनेको फिल्म भाइटीकाको भोलिबाट प्रदर्शनमा आउने भएको छ ।
बुधबार एक पोस्टर सार्वजनिक गर्दै केसीले कात्तिक २६ गते (१२ नोभेम्बर) देखि फिल्म प्रदर्शनमा आउने जानकारी दिएका हुन् ।
यसअघि फिल्मलाई दसैंमा रिलिजको तयारी गरिएको थियो । केसीले फिल्मलाई दसैंमा रिलिज नगर्नुको कारणबारे जानकारी दिँदै भनेका छन्, ‘यसअघि दसैँको अवसरमा प्रदर्शनमा आउने वाचा गरे पनि दसैँमा अन्य चार फिल्म पनि प्रदर्शनमा आउने र थप अर्को फिल्म पनि आउँदा पर्दाको बाँडफाँडमा समस्या आउने प्रदर्शक र वितरकको सुझावलाई मध्यनजर गर्दै हामीले नयाँ मितिमा प्रदर्शन गर्ने निर्णय गरेका हौँ ।’
फिल्मको सार्वजनिक पोस्टरमा अनमोल केसी र प्रिन्सी खतिवडा रोमान्टिक रूपमा ग्रामीण परिवेशमा देखिन्छन् । सनराइज पिक्चर्सको ब्यानरमा निर्माण भएको फिल्मका निर्माता जीया केसी र भविष्य खड्का हुन् ।
विवेक थापा सह–निर्मातामा छन् । सामिप्यराज तिमिल्सेना र सरिन पोखरेलको लेखन रहेको फिल्ममा अनमोल र प्रिन्सीसहित भुवन केसी, नेन्सी खड्का, प्रकाश घिमिरे, रेअर राई, दीपक केसी, श्वेता मिश्र, लक्ष्मी गिरी, लक्ष्मीनाथ तिमिल्सिना, शिशिर सिवाकोटीलगायतको अभिनय छ ।
