१२ सयले घट्यो सुनको मूल्य, कतिमा हुँदैछ कारोबार ?

काठमाडौं । नेपाली बजारमा सुनको मूल्यमा आज घटेको छ ।

हिजो सुनको मूल्य प्रतितोला ९५ हजार २ सय रुपैयाँमा कारोबार भएकोमा आज तोलामा १२ सय रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा ९४ हजार रुपैयाँ रहेको छ भने तेजावी सुनको मूल्य प्रतितोला ९३ हजार ५ सय रुपैयाँ रहेको छ ।

त्यस्तै, आज चाँदीको मूल्य पनि घटेको छ । हिजो चाँदीको मूल्य प्रतितोला १२३० रुपैयाँमा कारोबार भएकोमा आज घटेर प्रतितोला १२१५ रुपैयाँ मूल्य कायम भएको महासंघले जनाएको छ ।