एमएडब्लू अर्थमुभर्सले नेपालमा सुरु गर्‍यो ‘जेसीबी एनएक्सटी’ सिरिजका मेकानिकल एक्साभेटरहरू

काठमाडौं। एमएडब्लू अर्थमुभर्स प्रा.लि.ले जेसीबी इन्डियासँगको सहकार्यमा जेसीबी एनएक्सटी सिरिजका नवीनतम एक्साभेटरहरू जेसीबी एनएक्सटी 221 LC फ्युल मास्टर र जेसीबी एनएक्सटी 225 LCM ट्र्याक्ड एक्साभेटरहरू सफलतापूर्वक लन्च गरेको छ।

ललितपुरको झम्सिखेल स्थित द प्लाजामा सम्पन्न भव्य लन्च कार्यक्रममा सरकारी प्रतिनिधि, निर्माण उद्योगका अग्रणी, ग्राहक र डिलरहरू सहित करिब ७०० जना सरोकारवालाहरूको सहभागिता रहेको थियो।

कार्यक्रममा विशेष मेसिन प्रस्तुतीकरणको प्रदर्शनी पश्चात् जेसीबी एक्साभेटर खरिद गर्ने ११ जना ग्राहकहरूलाई साँचो हस्तान्तरण गरिएको थियो। कार्यक्रममा जेसीबी इन्डियाका सीईओ तथा एमडी दीपक शेट्टी र एमएडब्लू अर्थमुभर्स प्रा.लि.का अध्यक्ष  विष्णु अग्रवालको विशेष सहभागिता रहेको थियो।

“लिडर इन एक्साभेटरस᳭᳭” भन्ने थिममा आधारित शुभारम्भ कार्यक्रमले नेपालको विकासशील पूर्वाधार बजारको लागि अति उपयुक्त र टिकाउ उत्खनन मेसिनरी उत्पादन गर्ने जेसीबी को प्रतिबद्धतामा प्रकाश पारेको थियो।जेसीबी एनएक्सटी 221 LC फ्युल मास्टरले उच्चतम ऊर्जा दक्षता प्रदान गर्दै जटिल उत्खनन कार्यहरूमा प्रभावकारी कार्य गर्दछ भने जेसीबी एनएक्सटी 225 LCM ट्र्याक्ड एक्साभेटरले उत्पदकत्त्व वृद्धिका लागि असाधारण हाइड्रोलिक सुविधाहरू प्रदान गर्दछ। यस उत्पादन लाइनले नेपालको सडक पूर्वाधार विकास, जलविद्युत र शहरी विस्तार परियोजनाहरूमा बढेको सार्वजनिक लगानीसँगै राष्ट्रिय पूर्वाधार परियोजनाहरूलाई अगाडि बढाउन व्यापक सहयोग गर्नेछ।

कार्यक्रममा अध्यक्ष अग्रवालले यी नयाँ एक्साभेटरहरूले नेपालको लागि भरपर्दो सेवामुलक नवप्रवर्तनहरू प्रदान गर्दै निर्माण उद्योगको दक्षता बढाउने घोषणा गरे। त्यस्तै, जेसीबी इन्डियाका सिईओ तथा एमडी दीपक शेट्टीले जेसीबी ले सञ्चालन कार्यसम्पादनमा सुधार गर्न उन्नत प्रविधि र दिगो समाधानहरू प्रस्तुत गर्न जारी राख्ने बताए।

जेसीबी एनएक्सटी शृङ्खलाको यो सुरुवात नेपालको निर्माण उद्योगलाई अत्याधुनिक मेसिनरी आपूर्ति गर्ने जेसीबी को समर्पणमा प्राप्त उपलब्धिको ताजा उदाहरण हो।