उद्योग वाणिज्य महासंघ निर्वाचन: प्रतिस्पर्धाबाट बाहिरए रामचन्द्र संघाई, उमेश र अन्जनबीच आजै चुनाव हुने

काठमाडाैं । नेपाल उद्योग वाणिज्य महासंघकाे वरिष्ठ उपाध्यक्षमा पुनः निर्वाचन हुने भएको छ ।

तीन प्रतिष्पर्धी रामचन्द्र संघई, उमेशलाल श्रेष्ठ र अञ्जन श्रेष्ठमध्ये पहिलो चरणमा कसैले पनि ५० प्रतिशत मत प्राप्त गर्न नसक्दा पुनः निर्वाचन हुन लागेको हो ।

पहिलो चरणको निर्वाचनबाट रामचन्द्र संघई बाहिरिएका छन् । अब दोस्रो चरणमा उमेशलाल श्रेष्ठ र अञ्जन श्रेष्ठबीच प्रतिष्पर्धा हुनेछ ।

जिल्ला नगर, वस्तुगत र एसोसिएटमा खसेको कुल मतभारतमध्ये अञ्जन श्रेष्ठले सबैभन्दा धेरै ३७ दशमलव ९९ प्रतिशत मत प्राप्त गरेका छन् भने उमेशलाल श्रेष्ठले ३१ प्रतिशत मत प्राप्त गरे । साथै रामचन्द्र संघईले ३० दशमलव ४६ मत पाए ।

महासंघकाे विधानअनुसार वरिष्ठ उपाध्यक्षमा निर्वाचन हुनका लागि कम्तीमा ५० प्रतिशत मत प्राप्त गर्नुपर्छ ।

महासंघको बुधबार निर्वाचन भएको थियो । जसमध्ये वरिष्ठ उपाध्यक्षतर्फको मतगणना आज विहान सकिएको हो ।

मतपरिणाम अनुसार एसोसिएटतर्फ कुल खसेको एक हजार ६ सय २० मतमध्ये संघईले ६१३ मत, अञ्जन श्रेष्ठले ५७३ मत र उमेशलाल श्रेष्ठले ४२६ मत पाए । साथै ८ मत बदर भयो ।

जिल्ला नगरतर्फ कुल खसेको ११७ मतमध्ये अञ्जनले ४७, रामचन्द्रले ३९ र उमेशलालले २८ मत पाएकाे निर्वाचन समितिले जनाएकाे छ । साथै ३ मत बदर भयो ।

वस्तुतगतर्फ खसेको १२३ मतमध्ये उमेशलाल ६९, अञ्जनले ४१ र रामचन्द्रले १२ मत पाए भने एक मत बदर भयो ।

निर्वाचनले आगामी ३ वर्षका लागि वरिष्ठ उपाध्यक्षसहितका केन्द्रीय सदस्यको नयाँ नेतृत्व चयन गर्नेछ । हालका वरिष्ठ उपाध्यक्ष चन्द्र ढकाल स्वतः अध्यक्ष हुँदैछन् । वरिष्ठ उपाध्यक्ष स्वतः अध्यक्ष हुने भएकाले महासंघको निर्वाचनमा वरिष्ठ उपाध्यक्षलाई महत्वका साथ हेरिँदै आएको छ ।

यी हुन् एशोसिएट, जिल्ला नगर र वस्तुगततर्फ विजयी सदस्यहरु–

एशोसिएट		जिल्ला नगर		वस्तुगत
नाम	मत	नाम	मत	नाम	मत
डा. रामशरण थपलिया	१४४०	नरेशलाल श्रेष्ठ	९१	मोहनप्रसाद श्रेष्ठ	९१
मनोज पौडेल	१३७३	लिलेन्द्रप्रसाद प्रधान	८९	प्रयास कार्की	८८
आनन्द कुमार बगेरिया	१३६४	हरिबहादुर कार्की	८२	अमरेशन चन्द बैदार	८१
अम्बिका प्रसाद पौडेल	१३६३	शिव प्रसाद घिमिरे	८१	ताराबहादुर कार्की	८१
सुनिल नारायण श्रेष्ठ	१३४२	अरनिको राजभण्डारी	७६	नवीन रिजाल	७९
सुशील थापा	१३२९	डा. सुबोध कुमार गुप्ता	७५	कल्पना गैरे	७७
शैलेन्द्र गुरागाईं	१३१५	रविन पुरी	७४	उमेश डालमिया	७३
राजेश कुमार अग्रवाल	१३१२	नानीराज घिमिरे	७२	उज्जलप्रसाद कसजु	७२
हेमन्त गोल्छा	१३००	भक्तबहादुर हमाल	७२	बेदबहादुर श्रेष्ठ	७२
देशबन्धु बस्नेत	१२८४	शोभा ज्ञवाली	७२	अब्दुल बाहित मन्सुरी	७०
अविनाश बोहोरा	१२७५	मनोज अधिकारी	६७	मन्जुकुमार श्रेष्ठ (कोजु)	७०
गोपाल खनाल	१२६५	कमला श्रेष्ठ	६६	किशोरकुमार आचार्य	६९
उज्वल कुमार श्रेष्ठ	११९१	पशुपतिदेव पाण्डे	६५	केशवप्रसाद भण्डारी	६७
प्रवलजङ्ग पाण्डे	११२८	राजकुमार कार्की	६२	कृष्ण कटुवाल	६७
जुना माथेमा	९९१	पुष्पराज कुँवर	६६
शक्ति कुमार बेगानी	९८८	अनिलकृष्ण श्रेष्ठ	६४
सन्दिप कुमार अग्रवाल	९२५	गोकुल श्रेष्ठ	६४
ऋषी अग्रवाल	८८१	निरक केसी	६३
मुकुन्द प्रसाद तिमल्सिना	८४२