बिहीबार, असोज २३, २०८२
कर्पोरट खबर
6:28 am, बिहीबार, असोज २३, २०८२
काठमाडौं । आज विश्व दृष्टि दिवस मनाइदै छ । आफ्नो आँखालाई माया गरौँ भन्ने नाराका साथ यस बर्षको विश्व दृष्टि दिवस मनाइदैछ ।
विश्व स्वास्थ्य संगठन र अन्धोपन निवारणका लागि अन्तर्राष्ट्रिय एजेन्सी (आईएपीबी) ले संयुक्त रूपमा विश्वबाट हटाउन सकिने अन्धोपनलाई न्यूनीकरण गर्न प्रत्येक वर्ष दिवस मनाउन नेतृत्वदायी भूमिका निभाउदै आएका छन्।
नेपाल पनि अन्धोपन निवारण कार्यमा संलग्न अन्तर्राष्ट्रिय गैह्रसरकारी संस्थाहरुको छाता संगठन (आईएपीबी) को एक सदस्य राष्ट्र हो ।
विश्वभर करिब ३ करोड ६० हजार मानिसहरू दृष्टिविहीन छन् भने २ अरब ४६ करोड हाराहारी मानिसहरू कम दृष्टि या गहिरो प्रकृतिको दृष्टिजन्य समस्याबाट प्रभावित रहेको आँकडा रहेको छ ।विश्वभर नै कूल दृष्टिविहीन जनसङ्ख्याको ९० प्रतिशत बढी जनसङ्ख्या न्यून आयस्रोत भएका र आर्थिक रूपमा विपन्न परिवारमा बस्ने गरेका छन् ।
विश्वभरि दृष्टिविहीन जनसङ्ख्यामध्ये बालबालिकाको सङ्ख्या भने १ करोड ९० लाखको हाराहारीमा रहेको बताइएको छ । दृष्टि अनि त्यसको स्वस्थ र उपचार आजको विश्वका लागि ठुलै चुनौती भएको छ । यिनै विषयमा जनजागरण फैलाउन, नेत्र दान जस्ता गहन अनि पुण्य दानका बारेमा अभिप्रेरित गर्ने अभिप्रायले हरेक बर्ष दृष्टि दिवस मनाइने गरिएको छ ।
FACEBOOK COMMENTS