राजेश हमालपछि भुवन केसीले पनि गरे राजनीतिमा आउने संकेत

काठमाडौं । अभिनेता तथा चलचित्र विकास बोर्डका अध्यक्ष भुवन केसीले पनि राजनीतिमा आउने संकेट गरेकाे छ । उनले मतदानपश्चात पत्रकारसँग कुरा गर्दै आँफु राजनीतिमा हाेमिने संकेत गरेका हुन् ।

काठमाडौं क्षेत्र नम्बर २ स्थित गुह्येश्वरी मावि केन्द्रमा मतदान गरेका केसीले भविष्यमा कुनै दलले उम्मेदवार बन्ने मौका दिए पछि नहट्ने बताएका हुन् ।

आफ्नो रुचि राजनीतिमै भएकाले अर्को चुनावमा मौका पाए उम्मेदवार बन्ने बताएका छन् ।

अहिलेको चुनावले परिवर्तनको संकेत गरेको भन्दै उनले नेपाली कला, संस्कृति र फिल्मको प्रवद्र्धनका लागि कलाकार उम्मेदवार विजयी हुनुपर्ने धारणा राखे ।

उनले चुनावमा उम्मेदवार बनेका कलाकारलाई जितको शुभकामना समेत दिए ।

यसैगरी महानायक राजेश हमालले पनि राजनीतिमा हाेमिने संकेत देखाएका छन् । महानायक हमालले मतदान गरेपछि पत्रकारसँग कुरा गर्दै पाँच वर्षमा आफू पनि उम्मेदवारको रुपमा प्रस्तुत हुने बताएका थिए।