इन्धनबाट सरकारलाई ५५ अर्ब राजस्व

काठमाण्डौँ – नेपाल आयल निगमले गत आर्थिक वर्षमा पेट्रोलियम पदार्थ बिक्रीवितरण गरेर सरकारलाई ५५ अर्ब रुपैयाँ राजस्व बुझाएको छ ।

इन्डियन आयल कर्पोरेसन (आईओसी)बाट इन्धन खरिद गरेर बिक्री गरेबापत निगमले आर्थिक वर्ष २०७४/७५ मा ५५ अर्ब रुपैयाँ राजस्व सरकारलाई बुझाएको हो ।

आर्थिक वर्ष २०७३/७४ मा निगमले ४७ अर्ब राजस्व बुझाएको थियो ।

यो वर्ष इन्धनको कारोबार बढेसँगै निगमले सरकारलाई २० प्रतिशत बढी राजस्व तिरेको निगमका नायव कार्यकारी निर्देशक नागेन्द्र साहले बताए ।

इन्धनको कारोबार बढ्न गएकाले अघिल्लो वर्षको तुलनामा ८ अर्ब बढी राजस्व तिर्न सफल भएको उनको भनाइ छ ।

– कारोबार