पाेखरामा घरबाट अवैध लागूऔषधकाे काराेबार गर्ने बिक्की पक्राउ

पोखरा कार्तिक १५, पाेखरामा अवैध लागूऔषधकाे काराेबार गरेकाे अभियाेगमा २ जना युवक पक्राउ परेका छन् । कास्कीकाे पोखरा महानगरपालिका ३० सैनिक बस्ती बस्ने ३१ वर्षीय बिक्की गुरुङसहित २ जनालाई नियन्त्रित लागूऔषध २० एम्पुल डाईजापाम, २० ऐम्पुल फेनारगन र २० ऐम्पुल नुर्फिनसहित आइतबार दिउँसो प्रहरीले पक्राउ गरेको छ ।

गुरुङले घरमा अवैध लागूऔषधको कारोबार गरेको भन्ने सूचनाको आधारमा इलाका प्रहरी कार्यालय शिशुवाबाट खटिएको प्रहरीले उनको घर तलासी गर्दा उक्त लागूऔषधसहित फेला पारी पक्राउ गरेको जनाएकाे छ ।