कक्षा १२ को भौतिक विज्ञानको परीक्षा रद्द गरिएको छैन

काठमाडौं ।  राष्ट्रिय परीक्षा बोर्डले सञ्चालन गर्दै आएको कक्षा १२ को आजको परीक्षा रद्द नभएको बोर्डले जनाएको छ ।

बोर्डले भौतिक विज्ञान विषयको परीक्षा रद्द गरी आगामी १७ गते परीक्षा सञ्चालन गर्ने भन्ने भ्रामक समाचारप्रति गम्भीर ध्यानाकर्षण गर्दै परीक्षा रद्द नभएको जनाएको छ ।

भौतिक विज्ञान विषयको परीक्षा प्रश्नपत्र परीक्षा आगावै प्रश्नपत्र बाहिरिएको थियो । प्रश्नपत्र बाहिरिएपछि परीक्षा रद्द गरी आगामी १७ गते परीक्षा सञ्चालन गर्ने भन्ने समाचार बाहिरिएपछि बोर्डले सूचना निकालेर रद्द नगरिएको जानकारी दिएको हो ।