‘रोजर बिन्नी’ बने भारतीय क्रिकेट बोर्डकाे अध्यक्ष

भारतीय क्रिकेट कन्ट्रोल बोर्ड (बीसीसीआई) को याँ अध्यक्षमा रोजर बिन्नी नियुक्त भएका छन्। सन् १९८३ को विश्वकप विजेता टोलीका सदस्य समेत रहेका बिन्नी बीसीसीआईकाे अध्यक्षमा मंगलबार नियुक्त भएका हुन् ।

बीसीसीआईको नवाैँ वार्षिक साधारण सभाबाट उनी अध्यक्षमा नियुक्त भएका हुन्र ।

रोजर बिन्नी बीसीसीआईको ३६ औं अध्यक्ष बनेका हुन् । यसअघि भारतीय पूर्व कप्तान सौरभ गांगुलीबाट बीसीसीआईको अध्यक्ष पदमा थिए। गांगुली सन् २०१९ देखि अध्यक्ष पदमा थिए ।

अध्यक्ष पदका लागि ६७ वर्षीय बिन्नी मात्र उम्मेदवार थिए । उनी बाहेक कसैले उम्मेदवारी दिएका थिएनन् । साधारण सभामा बिन्नी निर्विराेध भएका थिए।

यस्तै जय शाहलाइ लगातार दाेस्राे कार्यकालका लागि बीसीसीआईकाे सचिवमा पुन नियुक्त गरिएकाे भारतिय संचार माध्यमहरूले जनाएका छन् ।

उनीहरू दुइ जना बाहेक निर्विराेध चुनिएका अन्य पदाधिकारीहरूमा आशीष शेलार कोषाध्यक्षमा, उपाध्यक्षमा राजीव शुक्ला र संयुक्त सचिवमा देवजीत सैकिया शामिल रहेका छन् ।

रोजर बिन्नीले सन् १९७९ मा अन्तर्राष्ट्रिय डेब्यु गरेका थिए । उनले पाकिस्तानविरुद्ध बैंगलोरमा पहिलो टेस्ट खेलेका थिए । यसपछि सन् १९८० मा बिन्नीले अस्ट्रेलियाविरुद्ध एकदिवसीय क्रिकेटमा डेब्यू गरेका थिए । रोजर बिन्नीको करियर १९७९ देखि १९८७ सम्म चलेको थियो । यस अवधिमा उनले भारतका लागि २७ टेस्ट र ७२ ओडीआई खेलेका थिए । बिन्नीले टेष्टमा ४७ र एकदिवसीयमा ७७ विकेट लिएका छन् । यसबाहेक बिन्नीले टेस्टमा ८३० रन र एकदिवसीयमा ६२९ रन बनाएका छन् ।