टि२० विश्वकपको पहिलो सेमिफाइनल आज: न्युजिल्याण्डसँग भिड्दैछ पाकिस्तान

अस्ट्रेलिया । टि २० विश्वकप २०२२ को पहिलो सेमिफाइनल खेल आज हुँदैछ । नेपाल समय अनुसार आज दिउँसो १ बजेर ४५ मिनेटमा खेल सुरु हुनेछ ।

सिड्नी क्रिकेट मैदानमा हुने उक्त खेलमा पाकिस्तान र न्युजील्याण्ड फाइनलमा पुग्नकोलागि भिड्दै छन् ।

न्युजील्याण्ड समुह १ को बिजेता बन्दै सेमिफाइनलमा प्रवेश गरेको हो भने पाकिस्तान समुह २ को उप् बिजेता बन्दै सेमिफाइनलमा प्रवेश गरेको हो । समुह चरणमा न्युजील्याण्ड ३ खेल जितेको थियो भने १ खेल हारेको थियो। १ खेल वर्षाका कारण नतिजा आउँन सकेको थिएँन। त्यस्तै पाकिस्तानले समुह चरणमा ३ खेल जितेको थियो भने २ खेल हारेको थियो।

पाकिस्तान र न्युजील्याण्डबीच टि २० विश्वकपमा हालसम्म ६ वटा खेल भएको छ । जसमा ४ खेल पाकिस्तान र २ खेल न्युजील्याण्डले जितेको इतिहाश रहेको छ । उक्त दुइ टोलिबीच पछिल्लो समय टि २० विश्वकप २०२१ मा भिड्न्तर भएको थियो । जहाँ पाकिस्तानले ५ विकेटले जित हासिल गरेको थियो ।

आज हुने पहिलो सेमिफाइनल जित्ने टोलिले भोलि हुने दोस्रो सेमिफाइनल खेलको विजेतासँग उपाधिकालगि आइतबार भिड्नेछ । दोस्रो सेमिफाइलनका लागि भोलि अर्थात विहिबार भारत र इङ्ल्याण्ड भिड्ने छन् ।