नेपाल एयरलायन्सले भैरहवाबाट दिल्ली उडान गर्ने

काठमाडौं । नेपाल एयरलायन्सले भैरहवाबाट दिल्ली उडान गर्ने भएको छ ।

निगमले पहिलो चरणमा मंसिर १२ गतेदेखि भैरहवाबाट दिल्ली उडान गर्ने भएको हो । त्यसपछि निगमले मंसिर १५ गतेबाट हप्ताको दुई दिन बुधबार र शुक्रबार भैरहवाबाट दिल्ली उडान गर्ने छ ।

अहिलेको लागि भने निगमको विमान काठमाडौंबाट दिल्ली उडेर भैरहवा फर्किनेछ र त्यहाँबाट यात्रु झारेर काठमाडौं फर्किनेछ । यात्रुको चाप बढेपछि भने निगमले भैरहवाबाट सिधा दिल्ली उडान गर्ने जनाएको छ ।