मतदाताले मलाई सांसदभन्दा ठुलाे जिम्बेवारीकालागि मत दिए: गगन थापा

काठमाडौं । नेपाली कांग्रेसका महामन्त्री गगन थापाले मतदाताले सांसदभन्दा माथिल्लाे पदमा आफुलाई हेर्न चाहेकाे बताएका छन् । काठमाडौं–४ काे विजयी घाेषणा कार्यक्रमअघि पत्रकारसँग प्रतिक्रिया दिदै उनले यस्ताे बनाएका हुन् ।

काठमाडौं–४ बाट थापाले फराकिलो अन्तरले नेकपा एमालेका राजन भट्टराईलाई हराउँदै जित निकालेका थापाले भने, ‘मलाइ यहाँका मतदाताले सांसद बनेसकि पछि त्याेभन्दा ठुलाे जिम्बेबारीका लागि जाआेशभन्ने शुभेक्षाका साथ मलाइ चुन्नु भएकाे छ ।’

भट्टराईलाई थापाले ७,४५७ मतान्तरले पराजित गरे । ०७४ मा पनि थापाले एमालेका भट्टराईलाई नै पराजित गरेका थिए । त्यो चुनावमा वाम गठबन्धनका तर्फबाट एमालेका भट्टराई प्रतिस्पर्धामा थिए । तर ३२ सय मतान्तरले थापाले जितेका थिए । यसपटक थापाले मतान्तरले थप फराकिलो बनाएका छन् ।

०७० मा पनि गगनले यही क्षेत्रबाट एमालेका निर्मल कुँइकेललाई पराजित गरेका थिए । ०६४ मा थापा समानुपातिक सांसद थिए ।

३१ वर्षे उमेरमै समानुपातिक सांसद रहेका थापा लगत्तै कांग्रेस केन्द्रीय सदस्य निर्वाचित भएका थिए । अहिले उनी कांग्रेस महामन्त्री छन् ।