मतदाता एक छाक मासु भातमा बिके: प्रदीप पौडेल

काठमाडौं । नेपाली कांग्रेसका नेता प्रदीप पौडेलले चुनाव असाध्यै खर्चिलो भएको बताएका छन् ।

उनले पैसा हुनेले मात्रै जित्ने अवस्था आएको र अजेन्डाले मात्रै चुनाव नजितिने अवस्था आएको बताएका छन् ।

उनले मतदाता एक छाक मासु भातमा बिकेको पनि आरोप लगाएका छन् ।सहरी क्षेत्रमा जनता सचेत भए पनि सहरबाहिर गएपछि एक छाक मासुभातमा मतदाता बिक्ने गरेको उनले बताएका हुन् । उनले खर्च गरेर निर्वाचन जित्ने प्रणाली विकास भएसँगै खर्च उठाउनका लागि भ्रष्टाचार बढेको पनि आरोप लगाएका छन् ।

उनले नीतिगत भ्रष्टाचार रोक्न सक्नुपर्ने बताएका छन् ।