ज्योति विकास बैंकले बोलायो साधारण सभा, बुक क्लोज कहिले ?

काठमाडौं । ज्योति विकास बैंकले फागुन १४ गतेका लागि वार्षिक साधारण सभा गर्ने बोलाएको छ ।

बिहीबार बसेको सञ्चालक समितिको बैठकले फागुन १४ गते साधरण सभा बोलाउने निर्णय गरेको हो । सभा त्रिभुवन आर्मी अफिसर्स क्लब भद्रकालीमा हुने बैंकले जनाएको छ ।

आर्थिक वर्ष २०७८र७९ को नाफाबाट सेयरधनीहरुलाई ३ प्रतिशत बोनस सेयर र कर सहित ३.८० प्रतिशत नगद लाभांश दिने प्रस्ताव पेश हुनेछ । उक्त प्रस्ताव सभाले पारित गरेपछि सेयरधनीले तोकेको लाभांश पाउनेछन् । बैंकले माघ २९ देखि फागुन १४ गतेसम्म बुक क्लोज गर्ने भएको छ । माघ २८ गतेसम्म कायम रहने सेयरधनीले मात्रै उक्त लाभांश र सभामा भाग लिन पाउने बैंकले जनाएको छ ।