सुनको मूल्यमा सामान्य वृद्धि

काठमाडौँ । नेपाली बजारमा आज सुनको मूल्यमा सामान्य वृद्धि भएको छ । नेपाल सुनचाँदी व्यवसायी महासंघका अनुसार आज सुनको मूल्य रु एक सयले बढेको हो ।

जसअनुसार आज सुन प्रतितोला एक लाख ४ हजार ९ सय रुपैयाँमा कारोबार भइरहेको छ । यस्तै तेजाबी सुनको मूल्य समेत आज तोलामा एक सय रुपैयाँले नै बढेर एक लाख ४ हजार ४ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यता चाँदीको मूल्य भने अघिल्लो दिनको भन्दा ५ रुपैयाँले घट्दै आज प्रतितोला एक हजार ३२० रुपैयाँमा करोबार भइरहेको छ ।