नेपालमा सञ्चालित २१ मध्ये १४ बाणिज्य बैंकको मुनाफा करिब ५० प्रतिशतसम्म बृद्धि

काठमाडौं । नेपालमा सञ्चालित २१ वटा बाणिज्य बैंकहरु मध्ये १४ वटा बाणिज्य बैंकको मुनाफा गत आवको तुलनामा बृद्धि भएको देखिएको छ ।

नेपालमा सञ्चालित रहेको बैंकहरु मध्ये एभरेष्ट बैंक, स्टाण्डर्ड चार्टर्ड बैंक, नबिल बैंक, लक्ष्मी बैंक, नेपाल एसबिआई बैंकको मुनाफा करिब ४० देखि ५० प्रतिशतले बृद्धि भएको देखिएको छ ।

आज वित्तीय विवरण प्रकाशन गरेका देशका २१ वटा बाणिज्य बैंकहरु मध्ये सबैभन्दा धेरै मुनाफा नबिल बैंकले आर्जन गरेको छ । सो बैंकले पाँच अर्ब ११ करोड मुनाफा आर्जन गर्दा ग्लोबल आइएमई बैंकले चार अर्ब ३५ करोड एनआईसी एसियाले चार अर्ब एक करोड मुनाफा आर्जन गर्न सफल भएको चालु आर्थिक वर्षको तेस्रो त्रैमाससम्मको अपरिष्कृत वित्तीय विवरणमा उल्लेख छ ।

२१ वटा बाणिज्य बैंकहरुले चालु आवको नौ महिनामा कूल ४८ अर्ब ७० करोड भन्दा बढि मुनाफा आर्जन गरेका छन् । समग्रमा बैंकहरुको मुनाफा ११.६७ प्रतिशतले बृद्धि भएको छ ।

खुद नाफाका नबिल बैंक पहिलो हुँदा ग्लोबल आइएमई बैंक दोस्रो स्थानमा रहेको छ भने एनआईसी एशिया तेस्रो स्थानमा रहेको छ । हाल सञ्चालनमा रहेका २१ वटा वाणिज्य बैंकमध्ये सबैभन्दा कम नाफा भने कृषि विकास बैंकको रहेको छ । सो बैंकले चैत मसान्तसम्ममा १ अर्ब ४ करोड १० लाख रुपैयाँ खुद नाफा कमाएको छ । यो गत आर्थिक वर्षको सोही अवधिको तुलनामा ४५.३६ प्रतिशतले घटेको वित्तीय विवरणले औल्याएको छ ।