भ्रष्टाचारले नेपालको विकास नै पछाडि धकेलियो : विनोद चौधरी

काठमाडौँ। नेपाली कांग्रेसका सांसद विनोदकुमार चौधरीले मुलुकमा भ्रष्टाचार व्याप्त रहेको बताएका छन्।

बुधवार संसद भवन परिसरमा सञ्चारकर्मीहरुसँग कुरा गर्दै उनले यस्तो बताएका हुन्। चौधरीले भ्रष्टाचारका कारण आमनागरिक पीडित बनेको बताएका छन्।

उनले भ्रष्टाचारका कारण नै देशको अर्थतन्त्र अस्तव्यस्त भएको बताए। उनले भ्रष्टाचारको आडमा नेपालको विकासलाई पछाडि धकेलेको पनि बताए।

उनले भ्रष्टाचारका प्रक्रियालाई पारदर्शी बनाइनुपर्ने बताएका छन्।

‘मुलुकमा भ्रष्टाचार व्याप्त छ, आममानिस साह्रै पीडित छन्, भ्रष्टाचारका कारण मुलुकको अर्थतन्त्र अस्तव्यस्त छ। भ्रष्टाचार नियन्त्रण गर्नु अहिलेको लागि महत्वपूर्ण छ। भ्रष्टाचारको आडमा नेपालको विकासलाई पछाडि धकेल्ने काम भएको छ’, उनले भने, ‘विकासका काम रोकिएका छन्, भ्रष्टाचारको आडमा कुरा नमिल्दा अड्किएका छन्, सबैलाई एकै घानमा हाल्नु हुँदैन, यो सबै प्रक्रियालाई पारदर्शी बनाउनुपर्छ, कुनै कम्परमाइज गर्नु हुँदैन।’

त्यस्तै राष्ट्रिय स्वतन्त्र पार्टीका सांसद गणेश पराजुलीले नक्कली भुटानी शरणार्थी प्रकरणलाई टुंगोमा नपुर्‍याइ कारबाही नगरे विरोधमा उत्रिने बताए।

सरकारको पहलकदमी सह्रानीय रहेको उल्लेख गर्दै राजनीतिक दाउपेचमा नेता बचाउने प्रयास भए सह्य नहुने पराजुलीले बताए।