महासंघको घरेलु तथा साना उद्योग समितिको सभापतिमा नरेन्द्र खड्का मनोनित

काठमाडौं । नेपाल उद्योग वाणिज्य महासंघको घरेलु तथा साना उद्योग समितिको सभापतिमा नरेन्द्र खड्का मनोनित भएका छन् ।

महासंघ अध्यक्ष चन्द्रप्रसाद ढकालले खड्कालाई सभापतिमा मनोनित गरेका हुन् ।

वैशाख ३ गते बसेको पहिलो कार्यकारिणी समितिको बैठकले अध्यक्षलाई अख्तियारी प्रदान गरे बमोजिम विधानको दफा ३८ ग बमोजिम सभापतिमा चयन गरेको उल्लेख गरेको जनाइएको छ ।

उनी नेपाल अदुवा उत्पादक संघका अध्यक्ष समेत हुन् ।