सुन र चाँदी दुवैको भाउ बढ्यो, कति छ आजको मूल्य ?

काठमाडौं । नेपाल सुनचाँदी व्यवसायी महासंघले शुक्रबारका लागि सुनचाँदीको भाउ सार्वजनिक गरेको छ । महासंघका अनुसार आज सुनचाँदीको मूल्य बढेको छ । सुनको मूल्य प्रतितोला आठ सय रुपैयाँले बढेको हो भने चाँदीको मूल्य तोलामा ४० रुपैयाँले बढेको हो ।

आज छापावाल सुनको मूल्य प्रतितोला एक लाख १२ हजार ५ सय रुपैयाँ रहेको छ भने तेजावी सुनको मूल्य प्रतितोला एक लाख ११ हजार ९५० रुपैयाँ रहेको छ । त्यस्तै, आज चाँदीको मूल्य प्रतितोला एक हजार चार सय ५५ रुपैयाँ रहेको महासंघले जनाएको छ ।