सुनसरीमा बस र माइक्रोबस ठोक्किदाँ पाँचजनाको मृत्यु

काठमाडौं,माघ १९ -पूर्वपश्चिम राजमार्गअन्तर्गत सुनसरीको इनरुवास्थित पितृवना सडकखण्डमा बस र माइक्रोबस जुध्दा पाँचजनाको मृत्यु भएको छ ।

पोखराबाट काकडभिट्टातर्फ गइरहेको ना.६ ख ७९५ को जगदम्बा बस र चन्द्रगढी झापाबाट कामठमाडौँतर्फ गइरहेको बा.५ ख ३१५७ नम्बरको माइक्रोबस पूर्वपश्चिम राजमार्गमा आइतबार बिहान ७ः३० बजे ठोक्किएको हो ।

दुर्घटनामा माइक्रोका चालक दीपक खड्कासहित तीन जनाको घटनास्थालमा ज्यान गएको थियो भने उपचारको क्रममा दुई जना गरी पाँच जनाको ज्यान गएको प्रहरीले जनाएको छ । त्यस्तै दुर्घटनामा काठमाडौंका हेमराज कोइरालाको ज्यान गएको छ ।

दुर्घटनामा कम्तीमा १२ जना घाइते भएका छन् ।