नेपाली नागरिकलाई क्यासिनो प्रवेश गर्न भारतीय आधार कार्ड बनाइदिने तीन जना पक्राउ

काठमाडौं । नेपाली नागरिकलाई क्यासिनो प्रवेश गर्न भारतीय आधार कार्ड बनाइदिने तीन जनालाई प्रहरीले पक्राउ गरेको छ ।

पक्राउ पर्नेहरूमा दोलखाको मेलुङ गाउँपालिका–३ घर भई काठमाडौं बूढानीलकण्ठ बस्ने ४७ वर्षीय गोबिन्द खड्का, ओखलढुंगाको चिसंखुगढी गाउँपालिका–८ घर भई ललितपुर सातदोबाटो नखिपोट बस्ने ३९ वर्षीय नवीन राई र रुपन्देही तिलोत्तमा नगरपालिका–२१ कोटिहवा घर भई काठमाडौं तारकेश्वर बस्ने २५ वर्षीय बिनोद न्यौपाने छन् ।

काठमाडौं उपत्यकाका क्यासिनोहरुमा हुने विभिन्न क्रियाकलापहरूमाथि निगरानी गर्ने क्रममा काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उक्त कार्यमा संलग्न उनीहरुलाई पक्राउ गरेको हो ।