पुससम्म निर्जीवन लघु बीमकको बीमाशुल्क आर्जन साढे ४ करोड बढी

काठमाडौं । चालु आर्थिक वर्षको ६ महिना पुससम्म निर्जीवन लघु बीमकहरुले साढे ४ करोड रुपैयाँ बढीको व्यवसाय गरेका छन् ।

नेपाल बीमा प्राधिकरणको तथ्यांकअनुसार ३ वटा निर्जीवन लघुबीमा कम्पनीहरुले पुसम्म २० हजार ३७३ वटा बीमालेख जारी गर्दै ४ करोड ५० लाख ६७ हजार रुपैयाँ कुल बीमाशुल्क आर्जन गरेका हुन् । सबैभन्दा बढी बीमाशुल्क आर्जन गर्नेमा नेपाल माइक्रो इन्स्योरेन्स कम्पनी रहेको छ । यो लघु बीमकले २ करोड ३७ लाख ५७ हजार रुपैयाँ कुल बीमाशुल्क आर्जन गरेको छ । यो कम्पनीले पुससम्म १३ हजार ९२२ बीमालेख जारी गरेको छ ।

यसैगरी प्रोटेक्टिभ माइक्रो इन्स्योरेन्स कम्पनीले १ करोड ६५ लाख २२ हजार रुपैयाँ कुल बीमाशुल्क आर्जन गरेको छ। यो कम्पनीको पुससम्म जारी बीमालेख संख्या ३ हजार ७६३ रहेको छ ।

उता स्टार माइक्रो इन्स्योरेन्स कम्पनीले पुससम्म २ हजार ६८८ बीमालेख जारी गर्दै ४७ लाख ८८ हजार रुपैयाँ कुल बीमाशुल्क आर्जन गरेको छ ।