ईक्यानका अध्यक्ष भट्टराईलाई कर्पोरेट बिजनेश एक्सिलेन्सी अवार्ड

काठमाडौं । नेपाल शैक्षिक परामर्श संघ (ईक्यान) का अध्यक्ष शेषराज भट्टराईलाई ‘कर्पोरेट बिजनेश एक्सिलेन्सी अवार्ड, २०८०’ प्रदान गरिएको छ ।

कर्पोरेट म्यागजिनको अवार्ड विशेष अङ्क पढ्न यहाँ क्लिक गर्नुहोस्

कर्पोरेट मिडिया ग्रुप (कर्पोरेट म्यागजिन र कर्पोरेट खबर अनलाइन) ले आफ्नो १६औँ वार्षिकोत्सवको अवसरमा उनलाई ‘कर्पोरेट बिजनेश एक्सिलेन्सी अवार्ड, २०८०’ अन्तर्गत ‘बेष्ट कन्सल्टेन्सी एसोसिएशन अफ नेपाल’ अवार्ड प्रदान गरेको हो ।

वैदेशिक शिक्षाको क्षेत्रमा २० वर्ष भन्दा बढी समय खर्चिएका शेषराज भट्टराई नेपालको एक प्रख्यात एजुकेशन कन्सल्टेन्सी ‘अर्बिट इन्टरनेशल एजुकेशन’का प्रबन्ध निर्देशक पनि हुन् भने नवीन नेतृत्व शैली र अग्रगामी सोच राख्ने भट्टराई मिडिया पर्सनालिटी समेत हुन् ।

उनले हाल इमेज टेलिभिजनमा ‘द मर्निङ शो’ सञ्चालन गर्दै आएका छन् । जहाँ विभिन्न लब्धप्रतिष्ठित व्यक्तिहरू र समाजको विभिन्न क्षेत्रमा क्रियाशील रहनुहुने व्यक्तित्वहरूसँग महत्वपूर्ण विषयहरूमा छलफल गर्ने गरिन्छ ।