कौसल्टारमा बाल्ट्रा नेपालको नयाँ रिटेल आउटलेटको उद्घाटन

काठमाडौं । सन् १९९४ देखि नेपाली घर–घरमा विश्वास जित्दै आएको घरेलु उपकरण ब्रान्ड बाल्ट्राले कौसल्टार, मध्यपुर ठिमी नगरपालिका, भक्तपुरमा १३ कात्तिक २०८१ मा नयाँ बाल्ट्रा रिटेल आउटलेटको भव्य उद्घाटन गरेको छ ।

यो बाल्ट्राको तेस्रो रिटेल आउटलेट हो । अन्य दुई आउटलेटहरू काठमाडौंको टेकु र इन्द्रचोकमा रहेका छन् । नयाँ स्टोरमा विशेष उत्पादनहरूको संग्रहले ग्राहकलाई नयाँ अनुभव दिलाउनेछ ।

कौसल्टारमा उत्कृष्टता र गुणस्तरलाई दर्शाउने आकर्षक घरेलु इलेक्ट्रोनिक्स उपकरणहरू प्रस्तुत गरि ग्राहकवर्गसँग जोडिएको कम्पनीले जनाएको छ । ग्राहकले आफ्ना आवश्यकता र रुचि अनुसारका इलेक्ट्रोनिक्स सामग्री सहजै पाउन सक्नेछन् ।