नेपाल आइस ब्वाइजको नेतृत्वमा एनपीएल खेलपछि क्रिकेट मैदानको सरसफाइ अभियान

काठमाडौं । नेपालको लोकप्रिय ब्राण्ड नेपाल आइसले आफ्नो संस्थागत सामाजिक उत्तरदायित्वअनुरूपको सामाजिक पहल ‘नेपाल आइस ब्वाइज’ ले खुकुरी ए लाउन्ज रेस्टुरेन्ट एण्ड बार, कीर्तिपुरसँगको सहकार्यमा क्रिकेट खेल सकिएपछि त्रिभुवन विश्वविद्यालय क्रिकेट मैदानमा सफाइ अभियानको नेतृत्व गरेको छ ।

यस पहलले वातावरणीय जिम्मेवारीलाई उत्प्रेरित गर्ने तथा क्रिकेट मैदान क्षेत्रमा फोहोर संकलन र व्यवस्थापन गरेर सामुदायिक संलग्नतालाई प्रोत्साहित गर्ने उद्देश्य राखेको छ ।

सीजी ब्रुअरीअन्तर्गत नेपाल आइस ब्वाइजले समाजमा सकारात्मक परिवर्तन गर्ने उद्देश्यले ‘मनैदेखि नेपाली, परिवर्तनको लागि’ भन्ने नारासहित समाजका विभिन्न क्षेत्रमा योगदान गर्दै आएको छ ।

भविष्यमा नेपाली युवाहरूमा रहेको स्वयमसेवाको भावनालाई अझ अभिप्रेरित गरी समाजमा सकारात्मक र सृजनशील परिवर्तन ल्याउन एकिकृत रूपमा अघि बढ्ने लक्ष्य लिएको छ ।