आइतबार, कात्तिक २, २०८२
कर्पोरट खबर
5:24 pm, आइतबार, कात्तिक २, २०८२
काठमाडौं । अस्ट्रेलियाले भारतविरुद्धको एकदिवसीय सिरिजमा विजयी शुरुवात गरेको छ । आइतबार सम्पन्न बर्षाले प्रभावित सिरिजको पहिलो खेलमा अस्ट्रेलियाले भारतलाई डक वर्थ लुइस नियम अनुसार ७ विकेटले पराजित गरेको हो ।
२६ ओभरमा खेलिएको यस खेलमा भारतले दिएको १३१ रनको लक्ष्य अस्ट्रेलियाले २१.१ ओभरमा ३ विकेट गुमाउदै पुरा गरेको थियो । यस अघि भारतले २६ ओभरमा ९ विकेट गुमाउदै १३६ रन बनाएको थियो ।
यस खेलमा भारतका पुर्व कप्तानद्वय रोहित शर्मा र विराट कोहली पनि खेलेका थिए । तर यस खेलमा दुवैले आफ्नो प्रभाव छोड्न सकेनन । रोहित ८ र विराट शुन्यमा आउट भएका थिए ।
यो जितपछि अस्ट्रेलिया ३ खेलको सिरिजमा १–० ले अगाडी भएको छ । अब सिरिजको अर्को खेल विहिबार खेल्ने तालिका रहेको छ ।
FACEBOOK COMMENTS