क्यारी ब्रान्डको ईभी भ्यान किन्न रिलायन्स फाइनान्सले वित्तिय सेवा दिने

काठमाडौं । क्यारी ब्रान्डका विद्युतीय भ्यानमा वित्तिय समाधान प्रदान गर्न एलएक्सजी मोटर्स र रिलायन्स फाइनान्स लिमिटेडले एक रणनितिक सम्झौता पत्रमा हस्ताक्षर गरेका छन् ।

क्यारी ईभीको नेपालका लागि आधिकारिक वितरक एलएक्सजी मोटर्स प्रालिका जितेन्द्रलाल कर्ण र रिलायन्स फाइनान्स लिमिटेडका सिइओ समाज प्रकाश श्रेष्ठले उक्त सम्झौता पत्रमा हस्ताक्षर गरेका हुन् ।

सम्झौता अनुुसार, क्यारी ब्रान्डका विद्युतीय भ्यान किन्न चाहने ग्राहकहरूका लागि रिलायन्स फाइनान्सले सुविधाजनक वित्तीय समाधान प्रदान गर्नेछ । समझदारीको मुख्य उद्देश्य क्यारी ब्रान्डका केभान १ र केभान २ भ्यान खरिद गर्न चाहने ग्राहकका लागि सहज वित्तीय समाधान उपलब्ध गराउनु रहेको बताइएको छ ।

यी विद्युतीय भ्यानहरूमा ५३.५८ किलोवाट आवर क्षमताको सिएटिएल ब्याट्री जडान गरिएको छ, जसले एक पटकको फुल चार्जमा ३०० किलोमिटरसम्म रेन्ज प्रदान गर्ने दाबी गरिएको छ । साथै, यी ईभीमा पिएमएसएम मोटर प्रणाली, एबिएस तथा अन्य सुरक्षा सुविधाहरू उपलब्ध गराइएको छ ।

यस साझेदारीले एलएक्सजी मोटर्सलाई क्यारी ईभीमार्फत नेपालभर विद्युतीय सवारी क्षेत्रमा अझ मजबुत उपस्थिति विस्तार गर्न र ग्राहकको व्यवसायिक यात्रामा भरोसायोग्य सहयोग पुर्याउन सक्षम बनाउने विश्वास लिइएको छ ।