कैलालीमा दुई कोरोना संक्रमितको मृत्यु

काठमाडौँ, कात्तिक २२ – कैलालीमा दुई जना कोरोना संक्रमितको मृत्यु भएको छ।जिल्ला प्रशासन कार्यालय कैलालीका सूचना अधिकारी शिवराज जोशीले टीकापुरका एक पुरुष र बर्दगोरियाका एक महिलाको कोरोना संक्रमणबाट मृत्यु भएको जानकारी दिए।

कैलालीको टीकापुर नगरपालिकाका – १ का ४९ वर्षका पुरुषको घरमै मृत्यु भएको हो।उता बर्दगोरिया गाउँपालिका-४ का ५९ वर्षका महिलाको कोरोना संक्रमणबाट मृत्यु भएको इलाका प्रहरी कार्यालय टीकापुरका प्रमुख डीएसपी मधुसूदन न्यौपानेले जानकारी दिए ।

उनकाअनुसार कोरोना संक्रमित भएपछि घरमा बस्दै आएका पुरुषको गएराती मृत्यु भएको हो। उनको काठमाडौमा कोरोना परीक्षण गरिएको थियो।कोरोना पुष्टि भएपछि टीकापुर घर आएका थिए।मृतकका आफन्तका अनुसार उनी बोन क्यान्सरको उपचार गराइरहेका थिए।