सिप्रदी ट्रेडिङ प्रालिका निर्देशक सौर्य शमशेर राणाको निधन

 काठमाडौं, फागुन १६ – टाटा मोटर्सको लागि नेपालको आधिकारिक बिक्रेता सिप्रदी ट्रेडिङ प्रालिको निर्देशक सौर्य शमशेर राणाको मृत्यु भएको छ। नेपाल भारत चेम्बर अफ कमर्सका पूर्वअध्यक्ष समेत रहेका राणाको आइतबार बिहान निधन भएको हो।

चार दिनअघि काठमाडौंको मेडिसिटी हस्पिटलमा मुटुको अप्रेसन गरेका राणाको बिहान निधन भएको सिप्रदी ट्रेडिङले जानाकारी गराएको छ।

सिप्रदीका मार्केटिङ म्यानेजर रुपम श्रेष्ठका अनुसार राणाको शव आजै पशुपति आर्यघाटमा दाहासंस्कार गरिँदै छ। राणाले अटो व्यवसयामा लामो सयम काम गरिसकेको छ। स्वर्गीय राणाको श्रीमती, एक छोरा र एक छोरी छन् ।