सुर्खेत उद्योग वाणिज्य संघमा धनबहादुर रावत विजयी

सुर्खेत – सुर्खेत उद्योग वाणिज्य संघको १२ औं अधिवेशनबाट धनबहादुर रावत ८ सय १० मत प्राप्त गरी अध्यक्षमा विजयी भएका छन् ।

रावतले आफ्ना निकटतम् प्रतिद्वन्द्वी प्रकाश उप्रेतीलाई १७ मतान्तरले पराजित गर्दै अध्यक्षमा निर्वाचित भएका हुन् ।

रावतका निकटतम् प्रतिद्वन्द्वी उप्रेतीको ७ सय ९३ मत आएको थियो । रावत लोकतान्त्रिक व्यवसायी प्यानलबाट अध्यक्ष पदका उम्मेदवार हुन् ।

नयाँ कार्य समितिको निर्वाचनबाट संघको वरिष्ठ उपाध्यक्षमा हर्ष विक्रम खड्का, वाणिज्य उपाध्यक्षमा दिपेन्द्र ढकाल, उद्योग उपाध्यक्षमा गणेशकुमार बस्नेत, महिला उपाध्यक्षमा कृष्णकुमारी थापा, महासचिवमा लक्ष्मण कँडेल, कोषाध्यक्षमा भद्र भण्डारी र सचिवमा रामप्रसाद पाण्डे विजयी भएका छन् ।