भारतमा ३ लाख ४३ हजार बढीमा कोरोना संक्रमण पुष्ट्रि,चार हजार जनाको मृत्यु

काठमाडौं, वैशाख ३१ –  भारतमा पछिल्लो २४ घण्टामा कोरोना भाइरस (कोभिड–१९) संक्रमणको कारण चार हजार जनाको मृत्यु भएको छ ।भारतको स्वास्थ्य तथा परिवार कल्याण मन्त्रालयका अनुसार उक्त अवधिमा भारतमा कोरोनाका ३ लाख ४३ हजारभन्दा बढी नयाँ संक्रमित थपिएका छन् ।यससँगै भारतमा कोरोनाका समग्र संक्रमितको संख्या २ करोड ४० लाख ४६ हजार नाघेको छ । त्यस्तै कोरोना संक्रमणको कारण अहिलेसम्म २ लाख ६२ हजार ३१७ जनाको मृत्यु भएको छ ।

पछिल्लो २४ घण्टामा भारतको महाराष्ट्रमा ४२ हजारभन्दा बढी नयाँ संक्रमित थपिएका छन् भने केरलामा नयाँ संक्रमितको संख्या करिब ४० हजार छ । कर्नाटकमा पनि कोरोनाका नयाँ संक्रमितको संख्या ३५ हजारभन्दा धेरै छ ।पछिल्लो केही दिनयता भारतमा कोरोनाका दैनिक नयाँ संक्रमितको संख्या चार लाखभन्दा कम देखिएको छ । यद्यपि मृत्यु हुनेको संख्या भने चार हजारबाट घट्न सकेको छैन ।अहिलेसम्म भारतमा करिब १७ करोड ९३ लाख डोज कोरोना खोप लगाइसकिएको छ ।