राजेशपायल राईले नयाँ गीत ‘टारी खेत’ सार्वजनिक

काठमाडौं । गायक राजेशपायल राईले नयाँ गीत ‘टारी खेत’ ल्याएका छन् । माया प्रेमका शब्दले भरिएको गीतमा गायक राईलाई गायिका पासाङल्हामु शेर्पाले साथ दिएकी छन् । शान्तिराम राईको शब्द तथा संगीत रहेको गीतको एरेन्ज आगा लामाले गरेका हुन् । गीतको म्युजिक भिडियो पनि निर्माण भएको छ ।

जसमा पुष्प खड्का र एलिसा राईको रोमान्स देखाउन खोजिएको छ । सुरेश कोहली, आरोही चापागाई, प्रताव मगर, कुसुम केसी लगायतका कलाकारको पनि भिडियोमा अभिनय छ । शम्भु चालिसेको  छायाँकन, राजेश कुमारको सम्पादन रहेको भिडियो शिव विकले निर्देशन गरेका हुन् ।