समृद्धि फाइनान्सका सीईओ सन्तोष घिमिरेले सम्हाले जिम्मेवारी

काठमाडौं । समृद्धि फाइनान्सका नवनियुक्त प्रमुख कार्यकारी अधिकृत सन्तोष कुमार घिमिरेले पदभार ग्रहण गरेका छन् ।

बैशाख २ गते मंगलबार अध्यक्ष ठाकुर प्रसाद भट्टराईसँग सपथ ग्रहण गरेसँगै पदभार ग्रहण गरेका हुन् ।

सञ्चालक समितिको फागुन २८ गते सम्पन्न ५१४ औं बैठकले घिमिरेलाई प्रमुख कार्यकारी अधिकृतमा नियुक्त गर्ने निर्णय गरेको थियो ।

नेपाल राष्ट्र बैंकमा ३० वर्ष सेवा गरि अवकाश लिएका घिमिरेसँग गोर्खाज फाइनान्स लि.मा प्रमुख कार्यकारी अधिकृत भई कार्य गरेको अनुभव समेत रहेको छ ।

नेपाल राष्ट्र बैंकमा नै रहँदा समस्यग्रस्त नेपाल सेयर मार्केट फाइनान्समा व्यवस्थापन प्रमुख भएर कार्य गरेको अनुभव समेत रहेको छ । नियामक निकाय र वित्तीय संस्थामा कार्यनुभव भएका घिमिरेको कार्याकालमा समृद्धि फाइनान्सले समृद्धिको यात्रा चुम्ने विश्वास संस्थाले लिएको छ ।