नयाँ प्रविधिका साथ प्रभु समुहको प्रभु टि.भि. नेपालमा

काठमाण्डौं-प्रभु समुहले नेपालमा पहिलो पटक डिजिटल भिडियो प्रशारणमा आधारित भएर प्रभु टि.भि. को सेवा प्रारम्भ गरेको छ ।

यो सेवा ओटिटि प्रणालीमा आधारित भएर मोबाईल, ट्याब्लेट तथा ल्याबटपमा समेत आफुले छानेको च्यानलहरु हेर्नसकिने प्रभु समुहका अध्यक्ष देवी प्रकाश भट्टचनले बताए ।

नेपाल सरकारबाट लाईसेन्स प्राप्त संस्थाले प्रभु टि.भि. कल साईनमा देशव्यापी रुपमा गुणस्तरिय डिजिटल टिभि च्यानलहरुको प्रशारण सेवा प्रदान गर्नेछ ।

प्रभु टिभिको आधिकारिक सेटअप बक्स र जडान गर्न सहज एटिनाको खरीद संगै ग्राहकलाई सबै स्थानिय प्रशारित टिभि च्यानलहरुको पहुंच हुने कम्पनीले जनाएको छ । यसका साथै अन्र्तराष्ट्रिय टिभि च्यानलहरु र विशेष कार्यक्रमहरु समेत उच्च गुण स्तरमा न्युनतम शुल्कमा हेर्न सकिनेछ ।

प्रारम्भिक रुपमा यस प्रभु टिभिले काठमाण्डौ, चितवन र पोखरामा आफ्ना सेवाहरु प्रदान गर्ने भएतापनि भविष्यमा अन्य स्थानहरुमा क्रमिक रुपमा विस्तार गर्दै लैजान कम्पनीको दाबी छ ।