‘पुजार सार्की’ को फस्टलुक पोस्टर सार्वजनिक

काठमाडौं । दिनेश राउत निर्देशित चलचित्र पुजार सार्कीको फस्टलुक पोस्टर सार्वजनिक भएको छ । सार्वजनिक पोस्टरमा मुख्य अभिनेता आर्यन सिग्देलसहित प्रदीप खड्का र पल शाहलाई देख्न सकिन्छ ।

तीनैजना चकलेटी कलाकार पोस्टरमा भिन्न लुक र गेटअपमा देखिएका छन् । जसले दर्शकहरुमा कौतुहलता थपेको छ ।

यस फिल्ममा आर्यन, प्रदीप र पलसँगै अन्जना बराइली र परीक्षा लिम्बुको पनि मुख्य भूमिका छ । साथै फिल्ममा मोहन निरौला, लोकेन्द्र लेखक, सुवास गजुरेल, प्रेम सुब्बा, तारा शर्मा लगायतको पनि अभिनय छ ।

सुभाष भुसाल निर्माता रहेको यस फिल्ममा विकास सुवेदीको लेखन रहेको छ । यसअघि राउत र विपिनले प्रदीप खड्का अभिनित फिल्म ‘प्रकाश’ मा पनि सहकार्य गरेका थिए ।

किङ्गडम नेटवर्कको प्रस्तुतिमा बन्ने फिल्मको हाल वर्कसप भइरहेको छ । यसै साताबाट छायाङ्कनमा जाने निर्माण टिमको योजना छ ।