बुधबार, भदौ १०, २०८३
कर्पोरट खबर
10:13 am, बुधबार, भदौ १०, २०८३
काठमाडा । स्कोडा नेपालको आधिकारिक वितरक एमएडब्लु एक्स्पान्ज प्रालिले नाडा अटो शो २०२६ (भृकुटीमण्डप, काठमाडौं) मा नयाँ जेनेरेसन स्कोडा कोडियाक औपचारिक रूपमा सार्वजनिक गरेको छ।
यससँगै नेपाली सडकहरूमा लक्जरी एसयूभीको नयाँ मानक स्थापित भएको छ। “रियल लक्जरी, एज इट सुड बी” मूल नाराका साथ आयोजित यस अनावरण कार्यक्रममा कम्पनीका उच्च नेतृत्व, व्यावसायिक साझेदार, सञ्चारकर्मी तथा आमन्त्रित अतिथिहरूको उपस्थिति रहेको थियो।
नयाँ कोडियाक केवल अर्को एसयूभीका रूपमा नभई एक स्पष्ट पहिचानका रूपमा प्रस्तुत भएको छ । सात सिटयुक्त उत्कृष्ट युरोपेली परिष्कार, जसलाई आफ्नो स्तरीय रोजाइ प्रमाणित गरिरहनु पर्दैन, अनुभव गरे पुग्ने कम्पनीको भनाइ छ।
कम्पनीका अनुसार यसको प्रत्येक रेखा, सतह र सामग्रीमा चेक शुद्धता र फक्सवागन ग्रुप इन्जिनियरिङको उत्कृष्ट संयोजन देख्न सकिन्छ, जसले गर्दा यसको क्याबिन सातै जनाका लागि एक निजी शान्त आश्रयस्थल जस्तै महसुस हुन्छ।
भित्र प्रवेश गर्दा यसका विशेषताहरूले स्वत: आफ्नो स्तरीयता झल्काउँछन्: शरीरको बनावटअनुसार आराम दिने ‘एर्गो सिट्स’ सडकको अवस्था पहिले नै पहिचान गर्ने ‘म्याट्रिक्स एलइडी हेडलाइट्स’ र हरेक नियन्त्रणलाई सहज बनाउने आधुनिक ‘स्मार्ट डायल्स’ । यो त्यस्तो लक्जरी हो जुन बाहिरबाट देखिने रूपमा मात्र सीमित नभई ढोका बन्द गर्दा प्राप्त हुने वास्तविक अनुभवमा मापन हुन्छ।
गाडी सार्वजनिक गर्दै स्कोडा नेपालका कार्यकारी निर्देशक रौनक अग्रवालले भने, “नयाँ कोडियाकका साथ हामी नेपालमा केवल एउटा गाडी मात्र ल्याइरहेका छैनौं । लक्जरी कस्तो हुनुपर्छ भन्ने एउटा स्पष्ट अवधारणा ल्याइरहेका छौं, जहाँ इमानदारिता, शुद्धता र अनावश्यक तडकभडकविहीन परिष्कार छ। यो वास्तविक युरोपेली लक्जरी हो, जस्तो यो हुनुपर्ने हो।”
भेरियन्ट र मूल्य
नेपालमा नयाँ जेनेरेसन स्कोडा कोडियाक तीन भेरियन्टहरूमा उपलब्ध गराइएको छ:
● लाउन्ज रु २,१९,९०,०००
● स्पोर्टलाइन रु २,३९,९०,०००
सिलेक्सन एल एण्ड के रु २,३९,९०,०००
नयाँ कोडियाक अगस्ट २५ देखि ३० सम्म भृकुटीमण्डप, काठमाडौंमा आयोजना भइरहेको नाडा अटो शो २०२६ को स्कोडा पेभिलियनमा अवलोकनका लागि राखिएको छ। देशभरका सबै आधिकारिक स्कोडा नेपाल शोरुमहरूमा यसको बुकिङ खुला भइसकेको छ।
स्कोडा नेपालको बारेमा
स्कोडा नेपालले आधुनिक युरोपेली डिजाइन, अत्याधुनिक प्रविधि र नेपाली सडक सुहाउँदो भरपर्दो प्रदर्शनको उत्कृष्ट संयोजन प्रदान गर्दै नेपाली बजारमा विश्वस्तरीय सवारीसाधनहरू उपलब्ध गराउँदै आएको छ।
व्यस्त सहरका सडकदेखि चुनौतीपूर्ण पहाडी राजमार्गसम्मका लागि उपयुक्त सुरक्षा, इन्धन दक्षता र नवीन इन्जिनियरिङमा केन्द्रित रहँदै स्कोडाले गुणस्तर, आराम र विश्वसनीयताका नयाँ मापदण्डहरू स्थापना गरिरहेको छ।
नेपालको अग्रणी व्यापारिक घराना एमएडब्लु ग्रुपअन्तर्गतको एमएडब्लु एक्स्पान्जद्वारा स्कोडा नेपालको प्रतिनिधित्व गरिएको छ, जसले रणनीतिक बिक्री, मार्केटिङ, वितरण र उत्कृष्ट ग्राहक सेवाद्वारा विश्वप्रसिद्ध मोबिलिटी सोलुसन्स नेपाली उपभोक्ताहरू माझ पुर्याउँदै आएको छ।
