रामचन्द्रलाई माधवले भने : अबको प्रधानमन्त्री तपाई

काठमाडौं । एक साताअघि सम्पन्न प्रतिनिधिसभा तथा प्रदेशसभा निर्वाचनको परिणाम आउँदै गर्दा सत्ता गठबन्धनका नेताहरूबीच भेटघाटको दौडधुप बढेको छ ।

 

यसैक्रममा आज बिहान कांग्रेस वरिष्ठ नेता रामचन्द्र पौडेल र नेकपा एकीकृत समाजवादीका अध्यक्ष माधवकुमार नेपालबीच भेट भएको छ । पौडेल कोटेश्वरस्थित नेपाल निवासमा पुगेका थिए ।

भेटमा गठबन्धनलाई कायमै राख्ने विषयमा छलफल भएको बताइएको छ । पौडेलले आफूलाई प्रधानमन्त्री बन्न सहयोगका लागि नेपालसँग आग्रह गरेका छन् ।

माधव नेपालले गठबन्धन बनाउन योगदान गरेकाले अब प्रधानमन्त्रीको हकदार तपाईँ भन्दै पौडेललाई भनेका छन् ।

सहयोग गर्ने वचन दिँदै माधवले समकालीन सबै पीएम भइसकेकाले गठबन्धन बनाउन पनि योगदान गरेको हुँदा पौडेललाई तपाईँमात्र बाँकी भन्दै प्रधानमन्त्रीको हकदार तपाईं हो भनेको निकट स्रोतले बताएको छ ।